धनकुटा । मत बदर नहोस भन्ने उद्धेश्यले धनकुटामा नमुना मतदान गरिएको छ ।
आगामी मङ्सिर ४ गते हुने प्रतिनिधि सभा र प्रदेश सभा सदस्य निर्वाचनका लागि आयोजना गरिएको नमुना मतदानमा धनकुटाका ३६ जना मतदाताहरुले मतदान गर्नु भएको छ ।
भेटेरिनरी अस्पताल तथा पशु सेवा विज्ञ केन्द्र मतदान स्थलमा रहेको मतदान केन्द्रमा २२ जना पुरुष र १४ जना महिला गरि ३६ जना मतदाताले मतदान गर्नु भएको जिल्ला निर्वाचन कार्यालय धनकुटाका जिल्ला निर्वाचन अधिकृत जयराम श्रेष्ठले जानकारी दिनुभयो ।
जिल्ला निर्वाचन कार्यालय धनकुटाले आयोजना गरेको नमुना मतदान कार्यक्रममा मतदान सकि घर फर्कदै गर्नु गर्नु भएका मतदाता भन्नु हुन्छ स्थानीय तहभन्दा फरक र धेरै समय लाग्नसक्ने यो निर्वाचन भएकाले मतदाताहरु अलमलमा पर्न सक्ने हुदा मतदाता शिक्षालाई तीब्र बनाउनु आवश्यक देखिन्छ ।
नमुना मतदानमा सहभागी भएपछि चार ठाउँ लगाउनु पर्दा धेरै समय लाग्नसक्ने भएकाले मतदान स्थलको व्यवस्थापनमा सरोकारवाला निकायले ध्यान दिनुपर्ने मतदाताहरुले सुझाव दिनुभयो ।
आगामी निर्वाचनमा प्रत्येक मतदाताले आफ्ना इच्छाएका उम्मेदवारलाई चार मतपत्रमा एक एक छाप लगाएर चारवटा मतपेटिकामा खसाल्नु पर्नेछ ।
जिल्ला निर्वाचन कार्यालय धनकुटाका जिल्ला निर्वाचन अधिकृत श्रोष्ठका अनुसार पहिलो मतपत्रमा प्रतिनिधि सभा सदस्यको प्रत्यक्षतर्फ मतदान गरेर मतपेटिकामा खसाल्नु पर्नेछ । दोस्रो प्रतिनिधि सभा समानुपातिकतर्फका उम्मेदवारलाई मतदान गरी मतपेटिकामा खसाल्नु पर्नेछ । त्यसपछि प्रदेश सभा सदस्यतर्फको प्रत्यक्षमा मतदान गरेर मतपेटिकामा खसालेपछि प्रदेश सभातर्फकै समानुपातिक उम्मेदवारलाई मत हाल्नुपर्ने प्रक्रिया छ । 
धनकुटाका सात स्थानीय तहमध्ये शोमबार धनकुटा नगरपालिकामा नमुना मतदान गरिएको हो ।
यससँगै मतदाता शिक्षासमेत सुरु गरिने भएको छ । स्थानीय तहमार्फत सञ्चालन हुने मतदाता शिक्षामा प्रत्यक्ष घरदैलो र सामुदायिक कार्यक्रम गरिनेछ । मतदानमा सहभागी मतदातालाई सहज बनाउन मतदान स्थलको व्यवस्थापनमा विशेष ध्यान दिइने र त्यसका लागि मतदान अधिकृत नियुक्त भएपछि सम्बन्धित केन्द्रमा खटिने सुरक्षा प्रमुख र अधिकृतलाई मतपेटिकाको व्यावस्थापनमा लगाउने ।
बिहान ७ः०० बजेदेखि मतदान गर्ने समय तोकिएकाले मतदातालाई बिहानैदेखि मतदानमा सहभागी भइदिन अनुरोध गर्नुभयो ।
सुरक्षाको तीन घेरा नमुना मतदान भएको धनकुटाको व्यस्त बजारमा निर्वाचनको समयमा जस्तै सुरक्षाको तीन घेरा कायम गरिएको थियो । पहिलो घेरा र मतपेटिकासँगै नेपाल प्रहरी र म्यादी, दोस्रोमा सशस्त्र र त्यसभन्दा बाहिरी घेरामा नेपाली सेनाको पहरा देखिन्थ्यो ।
