इटहरी । वेमौसमी वर्षाले पुर्व क्षेत्रमा पुर्याएको क्षतिको विषयमा जानकारी लिन प्रदेस नम्बर १ आईपुगेका प्रधानमन्त्री शेरवहादुर देउवाले विदेशबाट मागेर भएपनि वाढी पिडितहरुका लागि प्याकेज ल्याउने वताएका छन ।
बाढीले पुर्याएको क्षतिको निरिक्षण अवलोकन र जानकारी दिन सुनसरीको इटहरी आइपुगेका प्रधानमन्त्री देउवाले विपद ढोल वजाएर नआई अचानक आइदिन्छ केही थाहा हुदैन भन्दै अचानक रुपमा आएको वाढीले नेपालमा ठुलो क्षति पुर्याएको वताएका हुन ।
प्रधानमन्त्री देउवाले सरकारले तत्कालिन अवस्थामा मृतकका परिवारलाई केही पैसा उपलव्ध गराई सकेको र बाढीका कारण पिडित भएकाहरुका लागि आफु काठमाडौं फर्किए लगत्तै प्याकेज ल्याउने समेत वताए ।
प्रधानमन्त्री देउवाले विपद व्यवस्थापनका लागि अल्पकालिन र दिर्घकालिन योजना वनाउने समेत वताउदै विपदको समयमा उद्धार खोज लगायतमा तदारुकताका लागि लाग्ने नेपाली सेना सशस्त्र प्रहरी नेपाल प्रहरी लाई धन्यवाद समेत दिएका छन ।
प्रधानमन्त्री देउवाले वेमौसमी वर्षासंगै आएको वाढीले पुर्याएको क्षतिका विषयमा सप्तरीका प्रमुख जिल्ला अधिकारी र प्रदेस नम्बर १ का आन्तरिक मामिला तथा कानुन मन्त्रालयका सचिवले जानकारी गराएका थिए ।
सो क्रममा प्रदेस नम्बर १मा बाढीका कारण ७२ हाल सम्म ७२जनाले ज्यान गुमाएको ज्यान गुमाउनेमा सवै भन्दा वढी पाँचथरमा ३० जनाले ज्यान गुमाएको , ७ जना अझै वेपत्ता रहेको , ५सय ७० घर पुर्ण रुपमा क्षति भएको ८सय ९४ घर आशिंक क्षति ४हजार चौपाया क्षति भएको , १२वटा प्रहरी कार्यालयमा क्षति पुगेको र १२ अन्य सरकारी कार्यालय क्षति पुगेको जानकारी गराइयो ।
त्यसै गरी केही स्थानमा विद्यालयहरु समेत क्षति पुगेको समेत सचिवले तथ्याँक प्रस्तुत गरेका थिए । भने प्रदेस नम्वर १मा लगाइएको धान वाली १५ देखि २० प्रतिशतले नोक्सानी भएको समेत प्रदेस सरकारको तथ्याँकमा उल्लेख गरिएको जानकारी गराइयो ।
यसै विच प्रधानमन्त्री देउवाले वाढी प्रभावित जिल्ला इलाम र पाँचथरको समेत अवलोकन गर्ने गरि त्यस तर्फ प्रस्थान गरिसकेका छन ।
