उर्लाबारी । समृद्द नेपालको शान अधिकार सम्पन्न किसान भन्ने अभियानका साथ किसान हकहित अधिकार संरक्षण एवम् प्रवर्द्धनका लागि स्थानीय÷ प्रादेशिक तहमा अन्तरक्रियात्मक कार्यक्रम मोरङ्गको उर्लाबारीमा सम्पन्न भएको छ ।
उर्लाबारी नगरपालिकाको सभाहलमा अयोजित कार्यक्रममा दमक नगरपालिकाका नगरप्रमुख राम कुमार थापाको प्रमुख आतिथ्यता एवं राष्ट्रिय किसान आयोगका सदस्य मन्जु धिमालको अध्यक्षतामा सम्पन्न कार्यक्रममा झापा र मोरङ्गका ३५ जना बंगुर फार्म सञ्चालक किसानहरुको सहभागिता रहेकोथियो । 
आयोगको काम, कर्तब्य र अधिकार, आयोगको जिम्मेवारी, नेपालमा किसान अधिकारको बर्तमान अबस्था र व्यवस्थाहरू, सुचना नयाँ प्रवधि, संरक्षणको अधिकार जलवायु र वातावरणीय प्रभावमा न्यायिक अधिकार, किसानलाइ निःशुल्क स्वास्थ्य सेवा, पशुपन्छि तथ्यांक विवरण, पशुपालन कार्यक्रममा महिलालाई प्राथमिकता, वंगुर पकेट क्षेत्र, गौशालाहरूमा प्रांगारिक मल उत्पादन, वंगुर पालनको बजारिकरणमा देखिएको समस्या र समाधानका उपायहरू लगायतका विषयमा उक्त अभिमुखिकरण कार्यक्रममा कृषि मन्त्रालय प्रदेश नम्वर १ विराटनगरका वरिष्ठ पशु चिकित्सक दीपा दिवाली, भेटेनरी अस्पताल तथा पशु सेवा विज्ञ केन्द्रका वरिष्ठ पशु चिकित्सक डाक्टर सुसिल कुमार अधिकारी, राष्ट्रिय किसान आयोगका सदस्य मन्जु धिमाललगायतले शहजिकरण गरेका थिए ।
