उर्लाबारी । मोरङको उर्लाबारी नगरपालिकाकाको ६५ औ कार्यपालिका बैठक रोकिएको छ ।
सोमबार विहान ८ बजेका लागि बोलाइएको नगर कार्यपालिकाको बैठकमा कार्यपालिका सदस्यको गणपुरक संख्या अपुग भएपछि बैठक स्थगित भएको नगरपालिका स्रोतले जनाएको छ ।
निर्वाचित जनप्रतिनिधीहरुको समय सिमा सकिनै लाग्दा स्थानिय जनसरोकारका विविध विषयलाई कार्यपालिका बैठकले पारीत गर्नुपर्ने अन्तिम बैठक थियो ।
तर नगर उप-प्रमुख सहितको जनप्रतिनिधिको एउटा टोली बैठकमै उपस्थित नभई आन्तरिक छलफल पछि नगरपालिका बाट बाहिरिएपछि बैठ्क एक दिनका लागि स्थगित भएको जनाइएको छ ।
आन्तरिक छलफल पश्चात बाहिरीने क्रममा वडा नम्वर ८ का वडाअध्यक्ष कुलबहादुर कार्कीले कार्यपाालिका बैठकमा सवै जनाको उपस्थिती भएतापनि नगरप्रमुख नआएको र आफ्नो चुनावी कार्यक्रम भएको भन्दै हिडेका थिए ।
त्यस लगतै नगर उपप्रमुख लक्ष्मिदेवी भण्डारी, वडा नम्वर ४ का वडाध्यक्ष लक्ष्मी नाराएण धिमाल लगाएत अन्य कार्यपालिका सदस्य पनि बाहिरीएको स्रोतले बतायो ।
यता समयमा नगरकार्यपालिका बैठक बस्न किन सकेन भन्ने जिज्ञासमा नगरप्रमुख फागोले विहान ८ बजेका लागि कार्यपालिका बैठक बोलाइएको भएतापनि खुट्टाको समस्याका कारण डे्रसिङ गरेर आउनु पर्ने भएपछि कारण केही ढिलो हुन गएको बताए ।
उनले भने-“केही समय अगाडी मोटरसाइकल दुर्घटनमा परेर खुट्टामा चोट लागेको छ डे्रसिङ गर्नुपर्ने थियो त्यसकारण मैले उप-प्रमुखलाई बैठक सञ्चालन गर्दै गर्नु म केही समय आइहाल्छु भनेर फोन गर्दागर्दै पनि उहाहरु बैठकमै सहभागी नभई हिड्नु भयो, म घाउको ड्रेसीङ सकेर ९ः२० मा कार्यालय आइपुगेको थिए।”
कार्यपालिका सचालनका लागि उहाँहरुको अनुउपस्थितीमा गणपुरक संख्या अपुग भएका कारण भोली मंगलबार अपह्रान्न् ४ वजे बैठक बस्ने तय भएको नगर प्रमुख खड्ग फागोले बताए ।
यस्ता थिए कार्यपालिका बैठकमा पेश हुने बुँदाहरु
-कानुन मसौदा निर्देशिका सम्वधमा ।
-नगर खेलकुद कार्यविधि सम्वधमा ।
-स्वास्थ्य सस्था दर्ता, अनुमति तथा अनुमति निर्देशिका सम्वधमा
-गरिव तथा विपन्न् लक्षित खानेपानी धारा जडान तथा महशुल व्यावस्थापन सम्वधमा ।
-नगर स्तरिय दलित समन्वय सम्वधमा ।
-एम्वुलेन्स सेवा सचालन निर्देशिका सम्वधमा ।
-नगर स्तरिय शिक्षा कार्यविधि सम्वधमा ।
-सहकारी सस्था दर्ता कार्यविधि सम्वधमा ।
-शिप विकास तालिम तथा दर्ता सम्वधमा ।
-समुदायिक वनको कार्ययोजना सम्वधमा ।
-योजना तथा कार्यक्रम समसोधन सम्वधमा ।
-सडक बोर्ड बाट संचालन हुने योजना सम्वधमा ।
-प्रदेश समपुरक अनुदान ०७९/८० सम्वधमा ।
-प्रधानमन्त्री स्वरोजगार कार्यक्रम सचालन सम्वधमा ।
-उर्लाबारी-८ दुर्गापुरी बजार कालोपत्रे योजना बजेत थप सम्वधमा(६९ हजार ७ सय ३५ रुपैया)
-पालिका अगाडीको सडक कालोपत्रे सम्वधमा (४ लाख ९९ हजार १ सय ९० रुपैया ५६ पैसा)
-बक्रा-सोल्टी तटवन्धन योजना सम्वधमा( २० मिटर १२ लाख)
-अपाङगता रोकथाम तथा पुनः स्थापना को विउपुजी नगरपालिकामा फिर्ता भएको सम्वधमा ।
-अपाङगता मिलीजुली कार्यक्रम वडा नम्वर १ र ५ सम्वधमा ।
-फोहोर मैला व्यावस्थापनको रकम माग भएको सम्वधमा ।
-कक्षा थप माग भएको सम्वधमा ।
-विनियोजित बजेट र बाकी रहेको वजेटको योजना माग सम्वधमा ।
-भृकुटीमार्ग सडक कालोपत्रे सम्वधमा (९ लाख २४ हजार १ सय ५१ रुपैया)
-सिद्धिविनायक सडक कालोपत्रे सम्वधमा (९ लाख ३७ हजार ७ सय ७४ रुपैया)
-भुमिहिन तथा अव्यवस्थीत वसोवासी सम्वधमा ।
-हेमपाइप खरीद सम्वधमा ।
-सडक बत्ति महशुल सम्वधमा ।
-कान्छीचौकमा भत्केको कल्र्भट सम्वधमा ।
-उर्लाबारी बहुमुखी क्याम्पसमा वस खरिद सम्वधमा ।
-मौज्दात रकम ६ करोड ३७ लाख ६१ हजार ८ सय ३४ रुपैया ६७ पैसा को कार्ययोजना निर्माण सम्वधमा ।
