मोरगं । नेपाली काँग्रेसको तर्फबाट मोरगंको सुन्दरहरैचा नगरपालिका वडा नम्बर ३ को वडाध्यक्षमा निर्वाचित भएर नगरकै नमुना वडा वनाउन सफल जीवनप्रसाद ढुंगाना नेपाली काँग्रेसको १४ महाधिवेशनमा केन्द्रीय महाधिवेशन प्रतिनिधि पदका लागि प्रतिस्पर्धा गर्ने भएका छन ।
काँग्रेसको १४औं महाधिवेसनका लागि मोरगंको क्षेत्र नम्बर ६बाट खुल्ला तर्फको महाधिवेशन प्रतिनिधिमा आफनो दावी रहेको ढुंगानाले वताए । मोरगंको क्षेत्र नम्वर ६ वाट २५ जना केन्द्रीय महाधिवेशन प्रतिनिधि चयन हुने मध्ये खुल्ला तर्फबाट चयन हुने १० जना मध्येमा ढुंगानाको समेत दावेवारी रहेको हो ।
वि.सं.२०४६सालको परिवर्तन पछि नेपाल विद्यार्थी संघमा आवद्र्ध भएर राजनितिमा सक्रिय रहेदै आएका ढुंगाना २०४७सालमा नेपाल विद्यार्थी संघ दुलारी गाउँपालिकाको सचिव नेपाली काँग्रेसको ११औं र १२औं अधिवेशनबाट काग्रेसको दुलारीको सचिव निर्वाचित हुन सफल भए ।
विद्यार्थी काल देखि नै राजनैतिकमा रुचि भएका सामाजिक विकासका क्षेत्रमा समेत सक्रिय रहदै आएका ढुंगाना २०७४ सालमा सम्पन्न स्थानीय तहको निर्वाचनमा सुन्दरहरैचा नगरपालिकाको वडा नम्बर ३को वडाध्यक्षमा निर्वाचित जनप्रतिनिधि हुन ।
वडामा निर्वाचित भएर आएसंगै ढुंगानाले जेष्ठनागरिक सम्मान ,मातापिता सम्मान , वडामा रहेका सुत्केरीहरुका लागि स्वास्थ्य परिक्षण पौसिलो आहार वितरण , दलित समुदायका लागि विभिन्न कार्यक्रम , वडाको भौतिक विकास र मानवीय विकासमा महत्वपुर्ण भुमिका खेल्दै आएका कारण ढुंगाना पार्टीमा समेत राम्रो छवी वनावएका ढुंगानाले आफनो कामको मुल्याँकन गर्दै पार्टीका नेता कार्यकर्ताहरुले आफुलाई विश्वास गर्ने वताए ।
राजनैतिक साथै सामज सेवाका क्षेत्रमा समेत उत्तीकै सक्रिय रहदै आएका ढुंगाना उद्योग वाणिज्य संघ दुलारीका महासचिव लगायतका सामाजिक संस्थाहरुको जिम्मेवारीमा समेत रहेका छन । कोभिडको महामारीका समयमा समेत आफनो स्वास्थ्यको प्रवाह नगरि वडावासीको स्वास्थ्य सुरक्षाका लागि ढुंगानाले खेलेको भुमिका अहिले पनि वडावासीले चर्चा गर्ने गरेका छन ।
