इटहरी ॥ प्रथम भारत अन्तराष्ट्रिय तेकवन्दो फेस्ट च्याम्पियनसीप २०२४मा सहभागी हुन बुढिगंगा मार्सल आर्टस क्लब इटहरी भारत प्रस्थान गरेको छ ।

शनिबार बुढिगंगा मार्सल आर्टस क्लब इटहरी खेलाडी तथा प्रशिक्षहरुका साथ भारतको दिल्ली पब्लिक स्कुल गएका हुन् । डोजाङका प्रमुख एवं प्रमुख प्रशिक्षक अभिनाश थापा रहेका छन् । त्यस्तै टोलीको प्रबन्धकमा रमेश खत्री रहेका छन् । बुढिगंगा मार्सल आर्टस क्लब इटहरीलाइ प्रथम भारत अन्तराष्ट्रिय तेकवन्दो फेस्ट च्याम्पियनसीप २०२४ मा प्रतिनिधि गर्नै खेलाडिहरुमा सायन गुरुङ , सोयल चौधरी , प्रज्जवल तामाङ , खुस्बु लिम्बु , सिम्रन राइ , विनिशा राइ , सम्राट राइ , ओजस्वि बरुवाल , एल्जन राइ , अपना मगर , चेतनाथ पन्त , सोनिया देउवान , रोशन श्रेष्ठ , अनमोल श्रेष्ठ , युनिसा लिम्बु रहेका छन् । खेल यहि जुन २८ देखि ३० जुनसम्म भारतको दिल्ली पब्लिक स्कुलमा हुने छ । तेकवन्दो प्रतियोगितामा विभिन्र देशका खेलाडिहरुको सहभागिता रहनेछ । बुढिगंगा मार्सल आर्टस क्लब इटहरी खेलाडिहरुलाइ शुक्रबार नै एक कार्यक्रमका बिच बिदाइ गरिएको डोजाङका विष्णु श्रेष्ठले जानकारी दिएका छन् ।