इटहरी । नेपाली भाषा साहित्यका साथै गीत संगीतका क्षेत्रमा महत्वपुर्ण योगदान पुर्याएको भन्दै स्वर्गीय धरणीधर दाहालको ९७औं जन्म जयन्तीको अवसर पारेर चुडामणी बन्धु र बुलु मुकारुगंलाई जनही ५०,५० हजार रासीको धरणीधर दाहाल स्मृति पुरस्कारबाट अभिनन्दन गरिएको छ ।
इटहरी साहित्यिक समुहको आयोजना तथा धरणीधर दाहाल स्मृति प्रतिष्ठानको सह आयोजनामा चुडामणी बन्धु र बुलु मुकारुगंलाई नगद ५० हजार नगद पुरस्कार सहित ताम्रपत्रले कार्यक्रमका प्रमुख अथिती इटहरी उपमहानगरपालिका नगर प्रमुख हेमकर्ण पौडेलले अभिनन्दन गरेका हुन ।
नेपाली भाषा ,साहित्य, कला , पत्रकारिता तथा समाजसेवामा महत्वपुर्ण योगदान पुर्याउने देश तथा विदेशमा रहने व्यक्तित्वहरुलाई स्वर्गीय धरणीधर दाहालको जन्मजयन्तीका अवसरमा प्रतिष्ठानले वि.सं.२०७१साल देखि पुस्कृत र सम्मान गर्दै आएको छ ।
अघिल्लो वर्ष स्वर्गीय धरणीधर दाहालको ९६औं जन्मजयन्तीका अवसरमा साहित्यकार लिलवहादुर क्षेत्री र निसहाय बालबालिका सेवा आश्रमकी सञ्चालिका गीता गौतमलाई पुरस्कृत तथा सम्मान गरिएको थियो ।
धरणीधर सांस्कृतिक केन्द्र म्याट्रिक्समा आयोजित कार्यक्रम इटहरी साहित्यिक समुहका अध्यक्ष हेमन्त गौतमको अध्यक्षतामा भएको थियो ।
सो कार्यक्रममा प्रमुख वक्ता डा. रामजी तिम्सिनाले स्वर्गीय धरणीधर दाहालका विषयमा प्रकास पारेको प्रतिष्ठानका अध्यक्ष ज्ञानेन्द्र दाहालले जानकारी दिए सोही अवसरमा विद्यार्थीहरुले स्वर्गीय दाहालले लेखेका गीत तथा कविताहरु प्रस्तुत गरेका थिए ।
कार्यक्रममा नागरिक समाज इटहरीकी अध्यक्ष बालिका भट्टराई , धरणीधर सांस्कृतिक केन्द्र म्याट्रिक्सका अध्यक्ष विक्रम श्रि ,संगित साधना प्रतिष्ठानका अध्यक्ष राम खड्का,महासचिव राजु केसी, साहित्यकार प्रा.डा. बद्रिविशाल पोखरेल, कृष्ण अधिकारी , लेखनाथ घिमीरे लगायतका अथितीहरुको सहभागिता रहेको थियो ।
