धनकुटा । जनहित कार्य अन्तर्गत नेपाली सेनाले श्री वक्रकुण्ड पञ्चेश्वर महादेव मन्दिर धनकुटामा आउने भक्तजन तथा स्थानीय बासिन्दाहरुको आवश्यकतालाई मध्यनजर गर्दै नेपाली सेनाको श्री नम्बर २ बाहिनी अड्डा अन्तर्गत रहेको श्री भीमदल गणले विश्राम स्थलका लागि बेन्च निमार्ण गरेर हस्तान्तरण गरेको छ।
भौतिक संरचना स्तरोन्नती गर्ने उदेश्यले मन्दिरमा दर्शनार्थीहरुको विश्रामका लागि भिमदल गणको तर्फबाट ७वटा वेन्च निर्माण गरि श्री वक्रकुण्ड पञ्चेश्वर महादेव मन्दिरलाई हस्तान्तरण गरेको हो । 
श्री भिमदल गणले निमार्ण गरेर मन्दिरलाई बेन्च हस्तान्तरण गर्ने कार्यक्रममा नेपाली सेनाको श्री नम्बर २ बाहिनी अड्डाका बाहिनीपति सहायक रथी महेशकुमार थापा , प्रमुख जिल्ला अधिकारी पुण्यबिक्रम पौडेल , जिल्ला समन्वय समिती धनकुटाका प्रमुख निरन तामाङ्ग जिल्ला प्रहरी कार्यालय धनकुटा का प्रमुख प्रहरी उपरीक्षक श्री कृष्ण प्रसाद कोईराला, सशस्त्र प्रहरी बल नेपाल नम्बर -६ गुल्म हेड क्वाटर , छिन्ताङ्गका प्रमुख सशस्त्र प्रहरी नायव उपरीक्षक श्री सुदन प्रसाद भारती, राष्ट्रिय अनसन्धान जिल्ला कार्यालय धनकुटाका प्रमुख अनुसन्धान अधिकृत श्री सविना राई, लगायत धनकुटा नगरपालिका वडा नं. १ का वडा अध्यक्ष, मन्दिर व्यवस्थापन समितिका पदाधिकारीहरु लगायतका अतिथिहरुको सहभागिता रहेको भिमदल गणका गणपति सुमन थापाले जानकारी दिए ।
