इटहरी । माइती नेपाल परामर्श पुर्नस्थापन गृह इटहरीले ३४ औं समुह तालिमको प्रमाणपत्र तथा ई रिक्सा वितरण कार्यक्रम सम्पन्न गरेको छ ।
जोखिममा परेका युवती तथा महिलाहरुलाई आवश्यक सिप सिकाएर आत्मनिर्भर बनाउने उदेश्यले विभिन्न तालिमको आयोजना गर्दै आएको छ ।
यही क्रममा बुधबार एक कार्यक्रम गरि ३ जना महिलालाई इ–रिक्सा साथै सिलाई कटाई तालिमका ७ जना सहभागिहरुलाई प्रमाण पत्र वितरण गरेको छ ।
इ–रिक्साको तालिम प्राप्त गरेका समिता राई,गितादेवी धमला, र सावित्रा भट्टराई लाई कार्यक्रमकी प्रमुख अतिथी इटहरी उपमहानगर पालिकाकी उपमेयर संगिता कुमारी चौधरी,र माइती नेपाल कोशी प्रदेशका कार्यक्रम अधिकृत गोविन्द घिमिरेले इ–रिक्साको चावी हस्तान्तरण गरेका थिए ।
तिन महिने सिलाई कटाई तालिममा सहभागिहरुलाई डम्वर कुमारी श्रेष्ठले सहजिकरण गराएका थिए ।
माइती नेपालले उद्दार गरेर ल्याएका चेलिवेटीलाई विभिन्न समयमा जिवन उपयोगी सीप प्रदान गर्दैै ब्यसायिक बनाउदै आएको छ भने यो तिन वर्षमा १२ जना लाई सिटी सफारी साथै सिलाई मेसिनहरु वितरण गरिसकेको पनी माइती नेपाल इटहरी कार्यक्रम संयोजक सुनिता कार्कीले बताइन् ।
वितरया कार्यक्रममा इटहरी वडा नम्बर २ का वडाध्यक्ष माधव कोइराला, नागरिक समाज इटहरीकी अध्यक्ष बालिका भट्टराई,माया घर नेपालकी अध्यक्ष सुभद्रा प्याकुरेल लगाएको सहभागिता रहेको थियो ।
