देशको राष्ट्रिय स्वाधिनता , सम्प्रभुता तथा राष्ट्रिय अखण्डता रक्षाको लागि हाम्रो अभियान भन्ने नाराका साथै सुनसरीको इटहरीमा युवाहरुले काठमाडौं महानगरपालिका प्रमुख बालेन्द्र साह बालेनको समर्थनमा र्याली निकालेका छन । निर्दल बालेनका पक्षमा हाम्रो दलबल स्वतन्त्र नागरिक र्यालीको नाममा युवाहरुले बालेनका पक्षमा इटहरीमा रयाली निकालिएको हो । र्यालीमा कोशी प्रदेशका विभिन्न ठाउँहरुका समेत युवाहरुको सहभागिता रहेको थियो । र्याली इटहरीका मुख्य बजार क्षेत्रमा प्रर्दशन गरिएको थियो । वेथिती विरुद्ध बालेनको ह्यामर तयार छ बोक्न गाउँ र नगर लेखिएको ब्यानर सहित निकालिएको र्यालीका संयोजक पारमणी गेलालले बालेन जस्ता काम गर्नेहरुका पक्षमा हामी छौं र बालेन जस्ता युवाहरु इटहरी लगायतका ठाउँहरुमा पनि तयार हुन पर्छ भन्ने संदेश दिन रयालीको आयोजना गरिएको जानकारी गराए ।
बालेनको समर्थनमा निकालिएको र्यालीमा सहभागी हुन इटहरी आएका उदयपुरको गाइघाटका माधवप्रसाद गेलाल बालेन साह प्रतिनिधि पात्र मात्र भएको र बालेनको जस्तो सोचका युवाहरुलाई अघि बढाउन र्यालीको आयोजना गरिएको वताए । र्यालीमा सहभागी युवाहरुले बालेनका पक्षमा विभिन्न नारा लेखिएका प्लेकार्ड बोकेका थिए भने नारा समेत लगाएका थिए ।
