मोरगं । निशेधाज्ञाको समयमा काम नपाएर समस्यामा पर्दै आएका दैनिक ज्यालादारीको काम गर्ने मोरगंको केरावारीका २० मजदुर तथा विपन्न परिवारलाई लायन्स क्लव अफ इटहरी मेल्भिन्स जोन्सले खाद्यान्न सहयोग गरेको छ ।
मोरगंको केरावारी ४ बेलबोटे क्षेत्रका मजदुर तथा विपन्न परिवारलाई लायन्स क्लव अफ इटहरी मेल्भिन्स जोन्सका अध्यक्ष रितेश श्रेष्ठले छाक टार्न समस्या नहोस भनेर खाद्यान्न उपलव्ध गराएको हो ।
लायन्स क्लव अफ इटहरी मेल्भिन्स जोन्सका अध्यक्ष रितेश श्रेष्ठ लगायतको सहभागितामा स्वास्थ्य सुरक्षा अपनाउदै खाद्यान्न वितरण गरिएको हो ।
वितरित खाद्यान्नमा प्रति परिवार ३० केजी चामल , १ केजी दाल १ केजी नुन १ पोका तेल वितरण गरिएको बरिष्ठ उपाध्यक्ष मिनकुमार मगरले जानकारी दिए ।
लायन्स क्लव अफ इटहरी मेन्भिन्स जोन्सले स्वास्थ्य सुरक्षा सामाग्री ,खाद्यान्न लगायतका वितरण गर्दै आएको छ ।
खाद्यान्न वितरण कार्यक्रममा उपाध्यक्ष नेत्र चौलागाँइ ,सचिव रुपक थापा ,सदस्य दिपक तामाङ , उमेश बोहोरा,लायन्स क्लब बेलबारीका अध्यक्ष खेम गौतम , गोपाल मगर लगायतको सहभागिता रहेको थियो ।
